النقّادة !

أهلا بكم ..

كيفكم يا زواري الكرام ؟

قبل ابدأ كلامي فيه ملاحظة أرجو قراءتها بدقّة ..
لاني لست ممن يحب اعادة كلماته ..

الملاحظة تقول : التعميم في اي موضوع اكتب فيه المقصد منه الغالب .. وليس التعميم بمعنى الكل ..

الموضوع الذي سنفتح بابه على مصراعيه .. كماهو واضح من العنوان ..

التفرقة القبلية ..

يقولون حتى تعالج أمر لابد تحدد مكان الألم .. ( وهنا ما فيه مجال للمعالجة ولكن استبدلها بالمناقشة :] )
في جميع مناطق المملكة هذا الوباء ليس بمنتشر
يعني it`s not abig deal..

كماهو الحال في منطقة نجد وملحقاتها ( وما أدراك ما نجد ! )
أصبحت العلاقات مبنية على أساس ( أنت وش قبيلتك ؟ )
نأخذ على سبيل المثال لا الحصر ..

الزواج ..

لو شخص تزوج من ( أجنبية ) لايعلم ما أصلها [ وين اللي يدور على الأصول ] ..
ولا حتى ماهي ديانتها ؟ و لا يُعلم هل هي بكر ! [ ربما خرجت مع صاحبة ذات يوم ! ] ..
وينجب منها اكوام هائله من الاطفال السُمج نرى عائلته الكريمه تنظر إليه بعين التكريم
والتقدير فأمهم مثلا [ أوروبيه ] من قبيله السماثه المعروفه .. والنعم !!

والصداقة …

طرفة مستحدثة..
صارت مبنية على ( وش عايلتك ؟ ولأي قبيله تنتسب .. ووش فخذكم ؟ )
وتوصل الأمر إلى أن يسألوا الاستاذ !!
[ طبعا القبيله مشدده عليهم العلم لايأخذونه الا من ولد قبيلتهم والا تشوهت أفكارهم ]

والمضحك حتى بينهم تفرقه فيه قبايل عن قبايل بعد .. فيه قبايل بدو وقبايل حضر .. ؟
فالبدو لايزوجون الحضر والحضر لايزوجون عامة الناس .. [ رب ضاره نافعه ]

لهالدرجة وصلت عقول هالناس ؟ ..

واذا سألتهم ..
قالوا لك ( مانبي ) اختلاط انساب ؟! ( عاد من زين النسب :\ )
عقولهم مبنية على جهل .. لدرجة انك حتى اذا تحاكمهم بقال الله وقال رسوله ..
( تقفل امخاخهم ) ولايستوعبون .. الا كلام ابآءهم وأجداهم
وحتى اللي يدّعي انه صاحب دين .. وانه يحارب هالعادات وو
لو ( جاه ) واحد مو قبيلي .. بيقوله ( بالله امسك الباب ولاعاد توريني خشتك ..)
اذا هذا المفروض يتعلم منه الناس هذا تصرفهم،، ( وش نقول عن الباقي ؟؟ ..)

ماقول غير .. [ ياقلبي لا تحزن ] ..

قبل أن أنتهي سمعت صخب في أذني أن بعض القبائل تفتخر

بأنها مضْرب أتراك .. [ مامعنى مضْرب الأتراك ؟ ]
يعني هل كان الأب تركي ؟ يعني .. لاتعليق !
هل كانت الأم تركيه ؟ أيضا .. لاتعليق !

المشكله [مضْرب الأتراك ] هم اللي مشددين ومثيرين الموضوع!!
ربما كل هذا الموضوع لايتعدى عقده في أنفسهم متوارثه ..

لي عودة بمزيد من التحديثات .. إن توفرت ..

حبيت تشاركوني بآرائكم في هالموضوع ..